السلام عليكم
مرحبااااااااااااااااا حبايبي .... اخباركم ؟؟؟ شو عاملين مع رمضان ...؟؟
عساه ينعاد عليكم بالبركة و الصحة وبالعافية
اليوم
كان مزاجي معكر .. ما ادري من يوم ما قعدت من النوم وانا ويا كشتي اللي
جنه ملفوف .. قلت ابي اطلع حرتي و مزاجي المعكر في المطبخ ...
رحت وجبت كذا مقادير .. وفكرت شو اسوي <- فاهمه غلط ..الناس تقرر بالاول ومن ثم يحضرون المقادير خخخخ
المهم لا اطول عليكم لاني حسيت اني هسترت شوية ..
اليكم طبق الحلو
كيكة الناعمة بالشكولاته اللذيذة
المقادير :
2 كوب دقيق
2 كوب سكر ناعم
1 كبيرة بيكينغ باودر
1 كوب صغير زيت
1\2 كوب زبدة ناعمه ( مو محطوط بالنار يعني )
2 كوب كاكاو
حبات 3 بيض
الطريقة :
اولا جبت السكر و يا الزيت و الزبدة .. ضربتهم بالمضرب الكهربائي الين يكون الخليط ناعم
وبعدها ضفت البيض .. ضربتهم بالمضرب الكهربائي مع بعض الين يصير نااااعم و والسكر قد ذاب
وبعدها جبت نص الدقيق ويا البيكينغ واضفته للخليط ..
وحطيت فوقه كوب الحليب
واضفت الكاكاو
وضربتهم بالمضرب الكهربائي ( مستانسة بهالمصطلح خخ ) الين يتجانس الخليط ويا بعض
وبعدها جبت القالب ... ووضعته بالفرن بعد ان دهنته بالزبدة
اما صوص الشوكولاته
فجبت الكاكاو و حطيته ع النار وجبت القشطة وسويتهم على طريقتي
يعني ترى كلن وحسب طريقته
وانا اتبعت هالاسلوب من اختي الحبيبة
وهذي هي الصورة
وان شاء الله تعجبكم مثل ما عجبت ماما وبابا
http://www6.0zz0.com/thumbs/2011/08/28/22/675944095.jpghttp://www6.0zz0.com/thumbs/2011/08/28/22/990379814.jpghttp://www6.0zz0.com/thumbs/2011/08/28/22/472831298.jpgمع السلامه مع يوم جديد و طبخة جديدة
تحياتي